ខ្សែបម្រើ Luka Modric មានការអន់ចិត្តនៅពេលដែល Real Madrid នៅតែស្ទាក់ស្ទើរក្នុងការបន្តកុងត្រាថ្មីអោយគាត់។
Goal បាននិយាយថា Real Madrid នៅតែសិក្សាលក្ខខណ្ឌនៃកិច្ចសន្យាថ្មីជាមួយ Modric ។ កីឡាករសញ្ជាតិក្រូអាតនឹងក្លាយជាភ្នាក់ងារឥតគិតថ្លៃនៅរដូវក្តៅនេះ ប្រសិនបើ Real មិនធ្វើការផ្លាស់ប្តូរ។

កន្លងមក Modric បានបង្ហាញបំណងចង់បន្តនៅជាមួយក្រុម Bernabeu ជាជាងស្វែងរកទិសដៅថ្មី។ គាត់បាននិយាយកាលពីខែកុម្ភៈថា ប្រសិនបើក្លឹបគិតថាខ្ញុំសមនឹងទទួលបានកុងត្រាថ្មី នោះខ្ញុំនឹងសប្បាយចិត្តខ្លាំងណាស់ក្នុងការស្នាក់នៅបន្តទៀត"។

ប៉ុន្តែ Real ត្រូវបានគេដឹងថាកំពុងតាមប្រមាញ់ Jude Bellingham របស់ Dortmund ជាមួយនឹងមហិច្ឆតាក្នុងការជំនួសខ្សែបម្រើវ័យចំណាស់បន្តិចម្តងៗដូចជា Modric នឹង Toni Kroos ។ តម្លៃផ្ទេរសម្រាប់កិច្ចព្រមព្រៀង Bellingham អាចឡើងដល់ 150 លានអឺរ៉ូ។ Real Madrid ចង់បង្កើតខ្សែបម្រើថ្មីទាំងបីជាមួយ Bellingham, Aurelien Tchouameni និង Eduardo Camavinga ។