ក្លិបនៅក្នុងក្របខ័ណ្ឌ Premier League កាំភ្លើងធំ Arsenal មានទំនុកចិត្តថាពួកគេអាចយកឈ្នះគូប្រជែងរបស់ពួកគេក្នុងការចុះហត្ថលេខាលើខ្សែបម្រើ Declan Rice របស់ West Ham United នៅរដូវក្តៅនេះ។ ប្រធានក្រុម West Ham United  រូបនេះបង្ហាញទម្រង់លេងបានដ៏អស្ចារ្យជាមួយក្លិប។ គាត់​បាន​ទាក់ទាញ​ចំណាប់​អារម្មណ៍​ពី​ក្លឹប​ជា​ច្រើន​ក្នុង​ក្រប​ខ័ណ្ឌ English Premier League រួម​មានក្លិប Chelsea និង Manchester United ជាដើម ។



ខណៈដែល Arsenal តែងតែបញ្ជាក់យ៉ាងច្បាស់ថាពួកគេចង់ឱ្យ Declan Rice ឲ្យមកលេងនៅតំបន់កណ្តាលរបស់ក្លឹប  ហើយបានដាក់គោលដៅរបស់ពួកគេចាប់តាំងពីការប្រកួតជុំទី 2 នៃទីផ្សារដោះដូរកីឡាករកាលពីខែមករាឆ្នាំមុនមកម្លេះ ប៉ុន្តែត្រូវបានបដិសេធដោយ West Ham United ។

សម្រាប់ក្រុមប្រឹក្សាភិបាលបច្ចុប្បន្ន កាំភ្លើងធំ Arsenal  បានត្រៀមខ្លួនរួចជាស្រេចដើម្បីគាំទ្រលោក Mikel Arteta ដែលជាអ្នកគ្រប់គ្រងក្រុមក្នុងអំឡុងពេលទីផ្សារដោះដូរកីឡាកររដូវក្តៅនេះ ដោយសង្ឃឹមថានឹងអភិវឌ្ឍក្រុមឱ្យកាន់តែរឹងមាំជាងមុន ហើយអាចប្រយុទ្ធប្រជែងនៅក្នុងពានរង្វាន់ UEFA Champions League នៅរដូវកាលក្រោយផងដែរ។




កាសែត Evening Standard បានរាយការណ៍ថានាយកប្រតិបត្តិ Arsenal  ត្រៀម​ខ្លួន​ជា​ស្រេច​ដើម្បី​គាំទ្រ​ ដែលធ្វើ​ឱ្យ​ពួក​គេ​មាន​ទំនុក​ចិត្ត​ថា​ពួក​គេ​ពិត​ជា​អាច​យក​ឈ្នះ​គូ​ប្រជែង​ទាំង​អស់​ក្នុង​ការ​ចុះ​ហត្ថលេខា​លើ Declan Rice ។

ទោះជាយ៉ាងណាក៏ដោយ Arsenal រំពឹងថាកៅអី Champions League របស់ពួកគេគឺជាកត្តាមួយសម្រាប់ Declan Rice ដែលគេមានបំណងចង់លេងក្នុងពានរង្វាន់មួយនេះយូរមកហើយ  ហើយចូលជាសមាជិកថ្មីនៅកីឡដ្ឋាន Emirates៕