កីឡាករ Marcus Rashford របស់ក្លិប Manchester United និងលោក Erik Ten Hag  បានក្លាយជាកីឡាករ និងគ្រូបង្វឹកល្អបំផុតប្រចាំខែកុម្ភៈ  ឆ្នាំ 2023   នៅក្របខណ្ឌ Premier League។  Rashford  បានបង្ហាញទម្រង់លេងយ៉ាងល្អដោយស៊ុតបញ្ចូលទីបាន 5 គ្រាប់ពីការលេង 4 ប្រកួតក្នុងក្របខណ្ឌ Premier League កាលពីខែមុន ដែលធ្វើឱ្យគាត់ឈ្នះពានរង្វាន់កីឡាករល្អប្រចាំខែនៅក្របខណ្ឌ Premier League ពីរខែជាប់ៗគ្នា។




វា​ក៏​ជា​ពាន​រង្វាន់​កីឡាករ​ល្អ​ប្រចាំ​ខែ​របស់ Premier League ទី​បី​ក្នុង​រដូវ​កាល​នេះ​ផង​ដែរ។ បន្ទាប់ពីទទួលបានវាជាលើកដំបូងនៅក្នុងខែកញ្ញា ធ្វើឱ្យគាត់ក្លាយជាកីឡាករទី 2 ដែលបានឈ្នះពានរង្វាន់កីឡាករឆ្នើមប្រចាំឆ្នាំ 3 ដងក្នុងមួយរដូវកាលបន្ទាប់ពី Mohamed Salah ដែលបានធ្វើដូច្នេះដែរក្នុងរដូវកាល 2017-18 ។
 

ដោយឡែកគ្រូបង្វឹកសញ្ជាតិហូឡង់លោក Erik Ten Hag   បានដឹកនាំក្រុមបិសាចក្រហម Manchester United  ចាញ់តែមួយប្រកួតប៉ុណ្ណោះក្នុងការប្រកួត Premier League ទាំងបួនក្នុងខែកុម្ភៈនេះ  ដោយឈ្នះ៣ប្រកួត និងស្មើ១ប្រកួត  ធ្វើឱ្យគាត់ឈ្នះពានរង្វាន់នេះជាលើកទី២ បន្ទាប់ពីទទួលបានជាលើកដំបូងកាលពីខែកញ្ញា។



សម្រាប់ Manchester United បច្ចុប្បន្ន​ស្ថិត​ក្នុង​ចំណាត់​ថ្នាក់​លេខ​៣​នៅក្របខណ្ឌ Premier League  ដោយមាន 49 ពិន្ទុ  និងតាមពីក្រោយក្រុមកំពូលតារាង Arsenal ចំនួន14 ពិន្ទុ  និង 9 ពិន្ទុតាមពីក្រោយក្រុមលេខ 2  Manchester City   ប៉ុន្តែ Manchester United  សល់មួយប្រកួតទៀតនៅក្នុងដៃ  ។