ខ្សែប្រយុទ្ធក្រុម Liverpool កីឡាករ Darwin Nunez នឹងធ្វើការស្កេនលើរបួសស្មារបស់គាត់ មុនពេលការប្រកួតពានរង្វាន់ UEFA  Champions League វគ្គ16 ចុងក្រោយជើងទី១ របស់ពួកគេជាមួយនឹងក្រុម Real Madrid ។



កីឡាករវ័យ 23 ឆ្នាំរូបនេះ បានស៊ុតបញ្ចូលទីម្តងទៀតនៅក្របខណ្ឌ Premier League ចាប់តាំងពី World Cup 2022  ខណៈដែលក្រុមហង្សក្រហម Liverpool  បានយកឈ្នះ Newcastle United ក្នុងលទ្ធផល 2-0 ដើម្បីឡើងមកឈរនៅលេខរៀងទី 8 មានពិន្ទុតាមពីក្រោយក្រុមកំពូលទាំង 4 មាន 6 ពិន្ទុបូកមួយប្រកួតក្នុងដៃ។



ទោះបីជាក្រុមទទួលបានលទ្ធផលដែលចង់បានក៏ដោយ។ ប៉ុន្តែដំណឹងអាក្រក់គឺថា ខ្សែប្រយុទ្ធអន្តរជាតិអ៊ុយរូហ្គាយនេះ បានរងរបួសស្មានៅមុនកន្លះម៉ោងចុងក្រោយនៃការប្រកួត ហើយត្រូវបានប្តូរជំនួសដោយកីឡាករ  Roberto Firmino​។ លោក Klopp បាននិយាយថា "Nunez មានរបួសស្មា ហើយគាត់នឹងត្រូវការការវាយតម្លៃបន្ថែមទៀត ។យើង​មិន​ដឹង​អ្វី​ទៀត​ទេ​នៅ​ពេល​នេះ យើង​ត្រូវ​តែ​មើល ប៉ុន្តែ​វា​ឈឺ​ចាប់​ខ្លាំង​ណាស់​សម្រាប់​គាត់”។



ក្លិប Liverpool នឹងត្រូវបើកទ្វារកីឡដ្ឋាន Anfield របស់ខ្លួនដើម្បីស្វាគមន៍ក្រុមការពារតំណែងជើងឯក Real Madrid ក្នុងជើងទី១ នៃពានរង្វាន់ UEFA Champions League វគ្គ១៦ក្រុម នៅយប់ថ្ងៃអង្គារ វេលាម៉ោង ៣ទៀបភ្លឺ។