គ្រូបង្វឹកក្រុម Manchester United លោក Erik ten Hag បានរីករាយក្នុងការញាំអាហារពេលល្ងាចជាមួយលោក Sir Alex Ferguson នៅល្ងាចថ្ងៃអង្គារ មុនពេលក្រុមបិសាចក្រហមជួបជាមួយក្រុម Barcelona នៅកីឡដ្ឋាន Old Trafford នៅយប់ថ្ងៃព្រហស្បតិ៍នេះ វេលាម៉ោង០៣:០០ នាទីរំលងអាធ្រាត។



ក្លិប Man Utd និង Barca បានប្រកួតស្មើគ្នាក្នុងលទ្ធផល  2-2 ក្នុងទឹកដី Nou Camp ក្នុងជើងទី 1 នៃការប្រកួតពានរង្វាន់  Europa League  ដើម្បីកំណត់ថាតើក្រុមណាអាចឈានទៅវគ្គបន្ទាប់ទៀតបាន?



គ្រូ​បង្វឹក​បិសាច​ក្រហម Man Utd ​បាន​ញាំអាហារ​ជាមួយអតីត​គ្រូ​បង្វឹក​​របស់​ក្រុម។ មុនពេលការប្រកួតដ៏សំខាន់មួយទល់នឹង Barcelona ដែលអ្នកទទួលស្គាល់ថាជាបទពិសោធន៍ដ៏មានតម្លៃក្នុងការផ្លាស់ប្តូរគំនិតជាមួយនរណាម្នាក់ដែលមានចំណេះដឹងដូចលោក Sir Alex Ferguson ។



Erik Ten Hag បាននិយាយថា៖  "វាតែងតែរីករាយក្នុងការនិយាយទៅកាន់មនុស្សដែលពោរពេញដោយចំណេះដឹង និងបទពិសោធន៍។ គាត់ (Sir Alex) ចង់ចែករំលែកបទពិសោធន៍របស់គាត់ និងជួយពួកយើង។ Manchester United គឺជាក្លឹបរបស់គាត់។ គាត់មានអារម្មណ៍តាំងចិត្ត ហើយគាត់ចង់ឱ្យយើងធ្វើបានល្អ។ វា​ជា​យប់​ដ៏​អស្ចារ្យ ហើយ​ខ្ញុំ​កំពុង​ទន្ទឹង​រង់ចាំ​អាហារ​ពេល​ក្រោយ​របស់​យើង​ ”។