Arsenal  នឹងបន្ថែមបន្ទប់អធិស្ឋាននៅកីឡដ្ឋាន Emirates នៅដើមខែរ៉ាម៉ាដានឆ្នាំ 2024។ ក្រោយមក បន្ទប់នេះអាចត្រូវបានប្រើដោយកីឡាករ Arsenal និងក្រុមភ្ញៀវដើម្បីធ្វើការអធិស្ឋាន នៃពិធីបុណ្យ Ramadan Mubarak សម្រាប់កីឡាករដែលកាន់សាសនិកឥស្លាម។

បុណ្យរ៉ាម៉ាដានគឺជាខែដ៏សំខាន់មួយសម្រាប់ប្រជាជនម៉ូស្លីមគ្រប់រូប រួមទាំងកីឡាករបាល់ទាត់នៅអឺរ៉ុបផងដែរ។ កីឡករជាច្រើនបន្តតម ក្នុងអំឡុងពេលបុណ្យរ៉ាម៉ាដាន សូម្បីតែពេលលេងឱ្យក្លឹបរបស់ពួកគេក៏ដោយ។

Arsenal កំពុង​ចាប់​ផ្តើម​គំនិត​សំខាន់​មួយ​ក្នុង​ខែ​រ៉ាម៉ាដាន​នេះ ដោយក្រុមកាំភ្លើងធំបានប្រកាសជាផ្លូវការនូវសម្ភារៈបន្ថែមនៅឯកីឡដ្ឋាន Emirates ឥឡូវនេះ មានបន្ទប់ពិសេសសម្រាប់អធិស្ឋាននៅកីឡដ្ឋាន Emirates ។ ការ​ប្រកាស​បន្ថែម​បន្ទប់​ពិសេស​នេះ​ត្រូវ​បាន​ធ្វើ​ឡើង​ដោយ ​កីឡាករ ​របស់ Arsenal គឺ Mohamed Elneny។ តារាមកពីប្រទេសអេហ្ស៊ីបត្រូវបានគេស្គាល់ថាជាមូស្លីម ។