ជាការពិតកីឡាករ Jiloan Hamad គឺជាអតីតកីឡាករជម្រើសជាតិឈុតធំស៊ុយអែត ខណៈដែលបច្ចុប្បន្នរូបគេលេងតំណាងអោយក្រុមជម្រើសជាតិអ៊ីរ៉ាក់ ដោយកាលពីខែតុលាឆ្នាំ២០១៩ ខ្សែប្រយុទ្ធស្លាបខាងលើនេះ
 
ក៏ធ្លាប់ហោះមកកម្ពុជាដើម្បីចូលរួមប្រកួតជម្រុះជុំទី2នៃព្រឹត្តិការណ៍ FIFA World Cup 2022 ផងដែរ។

យ៉ាងណាមិញកាលពីពេលថ្មីៗនេះក្លឹបបាល់ទាត់ Uthai Thani Fc  ដែលជាសមាជិកថ្មីនៃលីគកំពូលថៃ បានប្រកាសអំពីវត្តមាននៃការមកដល់របស់កីឡាកសំបូរបទរូបនេះ។
 
តាមដែលបានដឹងកន្លងមក កីឡាករ Jiloan Hamad ធ្លាប់ប្រឡូកក្នុងលីគកំពូលអឺរ៉ុបជាហូរហែល ខណៈក្រុមធំៗដែលគេធ្លាប់ចូលរួមមានដូចជាក្លឹបបាល់ទាត់ Malmo FF របស់ស៊ុយអ៊ែត

 ក្លឹបយក្ស Hoffenheim របស់អាល្លឺម៉ង់
 
ក្លឹបបាល់ទាត់បាល់ទាត់ Standard Liege របស់ប៊ែលហ្ស៊ីក

ក្លឹបបាល់ទាត់Hammarby របស់ស៊ុយអ៊ែត, ក្លឹបបាល់ទាត់ HNK Gorica របស់ក្រូអាត
 
និងក្រុមបាល់ទាត់ Örebro SK របស់ស៊ុយអ៊ែត

ទាំងនេះគឺជាក្លឹបធំៗតំបន់អឺរ៉ុបទាំង៦ដែលរូបគេធ្លាប់ចូលរួមកន្លងមក។

ទោះបីជាយ៉ាងណាក៏ដោយក្នុងការប្រឡូកនាលីគកំពូលអឺរ៉ុបជាច្រើនឆ្នាំ Jiloan Hamad  ក៏ជាខ្សែប្រយុទ្ធស្លាបដែលធ្លាប់បង្ហាញខ្លួនជាច្រើនលើកក្នុងពានរង្វាន់តំបន់អឺរ៉ុប UEFA Champions League និង UEFA Euro League ផងដែរ។

គួរបន្ថែមផងដែលថា Jiloan Hamad  ធ្លាប់លេងអោយក្រុមជម្រើសជាតិ ស៊ុយអ៊ែតតាំងឈុតយុវជន U16, U17, U18,U19,U21និងឈុតធំឆ្នាំ២០១១ផងដែល ខណៈក្នុងឆ្នាំ២០១៩រូបគេបានចូលរួមលេងតំណាងអោយក្រុមជម្រើសជាតិអ៊ីរ៉ាក់វិញ៕