ការ​ប្រកួត​ព្រឹត្តិការណ៍​កីឡា​ស៊ីហ្គេម លើក​ទី​៣២​ និង​អាស៊ានប៉ារ៉ាហ្គេម លើក​ទី​១២​ ឆ្នាំ​២០២៣ ដែលកម្ពុជាធ្វើជាម្ចាស់ផ្ទះកាន់តែខិតជិតមកដល់ ពោលព្រឹត្តិការណ៍ទាំងមូលនិងចាប់ផ្ដើមជាផ្លូវកាលនៅថ្ងៃទី៥ ខែឧសភាឆ្នាំ២០២៣ នេះតទៅនាពហុកីឡដ្ថានជាតិ​មរតក​តេជោ។

យ៉ាងណាមិញប្រទេសកម្ពុជាក្នុងនាមជាម្ចាស់ផ្ទះបានធ្វើរឿងដ៏អស្ចារ្យក្នុងប្រវត្តិសាស្រ្តចំនួន៣ចំណុចធំៗ ក្នុងព្រឹត្តិការណ៍ស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ ។

ចំណុចដ៏អស្ចារ្យទី១នោះគឺ  មិនតម្រូវអោយបង់ប្រាក់សម្រាប់ការស្នាក់នៅ ម្ហូបអាហារ និងការធ្វើដំណើរ៖
នេះជាលើកដំបូងក្នុងប្រវត្តិសាស្រ្ត ជាធម្មតាប្រទេសដែលទទួលសិទ្ធធ្វើជាម្ចាស់រាល់ព្រឹត្តិការណ៍ទាំងអស់ដែលទាក់ទង់ទៅនិងកីឡា តែងតែពឹងផ្អែកលើចំណូលដែលទទួលបានពីការស្នាក់ ថ្ងៃម្ហូបអាហារ ឬ មធ្យោបាយធ្វើដំណើររបស់ភាគីដែលជាក្រុមភ្លៀវ ប៉ុន្តែកម្ពុជាមិនគិតបែបនោះឡើយ។

ដោយឡែករឿងដ៏អស្ចារ្យទី២នោះគឺ មិនលក់សិទ្ធក្នុងការផ្សព្វផ្សាយ ទាំងការផ្សាយផ្ទាល់ និងផ្សាយបន្តផ្ទាល់៖
បើយោងទៅតាមសេចក្ដីសម្រេច​របស់​រាជ​រដ្ឋាភិបាល​ គឺ​មិន​យក​តម្លៃ​នៃ​ការ​ផ្តល់​សិទ្ធិ​ផ្សព្វផ្សាយឡើយ ដូច្នេះ​ទាំង​ស្ថានីយ៍​ទូរទស្សន៍​ក្នុង​ស្រុក និង​ក្រៅ​ប្រទេស​ទទួល​បាន​សិទ្ធិ​ការ​ផ្សាយ​ផ្ទាល់ និង​ផ្សាយ​បន្ត​ផ្ទាល់​ដោយ​មិន​ចាំ​បាច់​ចំណាយ​អ្វី​ទាំង​អស់។

រីឯចំណុចដ៏អស្ចារ្យទី៣នោះគឺ អ្នក​គាំទ្រ​ជាតិ និង​អន្តរជាតិ​ចូល​ទស្សនា​ដោយ​សេរី៖
ដូចយើងបានដឹងកន្លងមកហើយថាប្រិយមិត្តអ្នកស្នេហាវិស័យកីឡាអាចចូលទស្សនាដោយសេរីគ្រប់វិញ្ញាសារទាំងអស់ មិនថាអ្នកគាំទ្រជាតិឬអន្តរជាតិនោះទេ គឺមិនតម្រូវអោយបង់ប្រាក់ឡើយ។

គួរបន្ថែមផងដែលថានេះគឺជាប្រវត្តិសាស្រ្តថ្មីដែលកម្ពុជាបានអនុវត្តក្នុងព្រឹត្តិការណ៍ស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី១២ឆ្នាំ២០២៣៕