គ្រូ​បង្វឹក​ក្រុម Manchester United លោក Erik ten Hag បាន​បញ្ជា​ឲ្យ​កីឡាករ​របស់​លោក​អង្គុយ​ស្ងៀមស្តាប់ក្រុម Liverpool អបអរការប្រកួត ដើម្បីជាការដាក់ទណ្ឌកម្ម នេះ​បើ​តាម​ការ​ចុះ​ផ្សាយ​របស់ The Mirror បន្ទាប់​ពី​រង​បរាជ័យក្នុងលទ្ធផល ៧-០ នៅ​កីឡដ្ឋាន Anfield។



ក្រុមបិសាចក្រហម Manchester United  ទើបតែបានរងបរាជ័យដ៏អាក្រក់បំផុតក្នុងប្រវត្តិសាស្ត្ររបស់ខ្លួន ជាមួយនឹងគ្រាប់បាល់ដ៏លើសលប់រហូតដល់ 7គ្រាប់ ដែលធ្វើឲ្យគ្រូបង្វឹកសញ្ជាតិទីហូឡង់រូបនេះ មានការមិនពេញចិត្តយ៉ាងខ្លាំងចំពោះរឿងនេះ។

យោងតាមរបាយការណ៍របស់ប្រព័ន្ធផ្សព្វផ្សាយក្នុងប្រទេសអង់គ្លេសបានឲ្យដឹងថា លោក Ten Hag បានប្រាប់កូនក្រុមរបស់គាត់ថា ពួកគេសំណាងណាស់ដែលបានជិះរថយន្តជាមួយក្រុមមកវិញ។ ជំនួសឱ្យការជាប់គាំងនៅក្នុងឡានជាមួយអ្នកគាំទ្រក្លិបLiverpool ។ ហើយនៅព្រឹកបន្ទាប់ ក្រុមទាំងមូលនៅតែត្រូវអង្គុយស្តាប់សម្លេងនៅក្រុម Liverpool អបអរការប្រកួតដើម្បី​កុំ​ឲ្យ​ងាយ​ភ្លេច​ការ​បរាជ័យ​មួយនេះ។



លើស​ពី​នេះទៅទៀត Ten Hag ក៏​បាន​គំរាម​ដែរ​ថា បើ​ប្រកួតចាញ់​មិន​មែន​ការ​ប្រកួត​បែប​នេះ​ទៀត​ទេ។ ពួកគេអាចនឹងហ្វឹកហាត់ជាមួយក្រុមអាយុក្រោម 21 ឆ្នាំ ហើយប្រហែលជាត្រូវពិគ្រោះជាមួយអ្នកចិត្តសាស្រ្តក្រុមដើម្បីដោះស្រាយភាពអាម៉ាស់។

សម្រាប់ក្រុមបិសាចក្រហម Manchester United  ​នឹង​ត្រូវ​ជួប​ Real Betis នៅ​កីឡដ្ឋាន Old Trafford ​ក្នុង​ការ​ប្រកួត​ជើង​ទី​មួយ​នៃពានរង្វាន់ Europa League វគ្គ16ក្រុមចុងក្រោយ នៅថ្ងៃទី១០ ខែមីនា ឆ្នាំ ២០២៣ វេលាម៉ោង ០៣:០០ រំលងអាធ្រាត។