យោងតាម Marca វាមិនទំនងទេដែល Lionel Messi នឹងតាម Cristiano Ronaldo ទៅមជ្ឈឹមបូព៌ាដើម្បីលេងបាល់ទាត់បន្ទាប់ពីរដូវកាលឆ្នាំនេះត្រូវបានបញ្ចប់។ Marca បង្ហើបថា "លុយមិនមែនជាកត្តាសម្រេចចិត្តសម្រាប់ Messi នោះទេ។ សុបិនរបស់អ្នកគាំទ្រចង់ឃើញ Messi និង Ronaldo ប្រឈមមុខដាក់គ្នាក្នុងប្រទេសអារ៉ាប៊ីសាអូឌីត បានក្លាយទៅជាផ្សែង" ។ ដូច្នោះហើយ Leo បានផ្តល់អាទិភាពក្នុងការស្នាក់នៅអឺរ៉ុបដើម្បីលេងបាល់ទាត់។ គាត់ជឿថាគាត់នៅតែមានសមត្ថភាពប្រយុទ្ធក្នុងកម្រិតខ្ពស់បំផុត។

ប្រភពដដែលបានបញ្ជាក់ថា ស្ថានភាពរបស់ Messi និង Ronaldo គឺខុសគ្នា។ តាមពិតទៅ កំពូលកីឡាករអាហ្សង់ទីននៅតែទទួលបានការផ្តល់ជូនពី Barcelona និង PSG ។ ទន្ទឹមនឹងនេះ CR7 ស្ទើរតែអស់ជម្រើសទៅហើយទ់បសម្រេចចិត្តបោះបង់បាល់ទាត់នៅអឺរ៉ុប។

Al Hilal ត្រូវបានគេនិយាយថាមានឆន្ទៈក្នុងការផ្តល់ប្រាក់ខែមិនធ្លាប់មានពីមុនមកក្នុងប្រវត្តិសាស្ត្របាល់ទាត់ដើម្បីបញ្ចុះបញ្ចូល Messi ឱ្យទៅលេងនៅមជ្ឈិមបូព៌ា។ ប្រសិនបើយល់ព្រម ប្រាក់ខែរបស់ម្ចាស់ជើងឯក World Cup ឆ្នាំ 2022 គឺ 400 លានអឺរ៉ូក្នុងមួយឆ្នាំ ដែលខ្ពស់ជាងអ្វីដែលគាត់ទទួលបាននៅ PSG 10 ដង (40 លានអឺរ៉ូ) ។ ទោះជាយ៉ាងណា Leo មិនបានឆ្លើយតបទេ។

យោងតាមសារព័ត៌មានបារាំង អាទិភាពរបស់ Messi គឺនៅតែស្ថិតក្នុងទ្វីបអឺរ៉ុបក្នុងរដូវកាល 2023/24 ។ ប្រសិនបើមិនបន្តជាមួយ PSG ទេ M10ទំនងជានឹងត្រលប់ទៅលេងឱ្យ Barcelona វិញ។ ក្រុម អ្នកមានបុណ្យ បានបញ្ជាក់ថា ពួកគេកំពុងចរចាជាមួយតំណាងរបស់ Messi ។ ទោះជាយ៉ាងណាក៏ដោយដើម្បីឱ្យកិច្ចព្រមព្រៀងនេះដំណើរការទៅដោយរលូន Barcelona នឹងត្រូវដោះស្រាយការលំបាកផ្នែកហិរញ្ញវត្ថុឱ្យបានហ្មត់ចត់ជាមុនសិន។