* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
ខ្សែការពារ van Dijk សង្ឃឹមថាហង្សក្រហម Liverpool អាចបង្កើតអព្ភូតហេតុក្នុងការប្រកួតជើងទីពីរទល់នឹង Real Madrid ក្នុងក្របខ័ណ្ឌ UEFA Champions League
ខ្សែការពារ Virgil van Dijk របស់ក្រុម Liverpool សង្ឃឹមថាក្រុមអាចបង្កើតអព្ភូតហេតុក្នុងការប្រកួតជើងទីពីរទល់នឹងក្រុម Real Madrid ក្នុងក្របខ័ណ្ឌ Champions League វគ្គ 16 ក្រុមចុងក្រោយ នៅយប់ថ្ងៃពុធ ទី១៥ ខែមីនា ក្នុងកីឡដ្ឋាន Santiago Bernabeu ។
ក្រុមហង្សក្រហម Liverpool បានចាញ់ក្រោមថ្វីជើង Real Madrid ក្នុងលទ្ធផល 2-5 ការប្រកួតជើងទី 1 នៅទឹកដី Anfield ដែលខ្សែការពារសញ្ជាតិហូឡង់រូបនេះ បានទទួលស្គាល់ថា ឱកាសក្នុងការឡើងទៅវគ្គបន្តទៀតរបស់ក្រុមត្រូវបានថយចុះទាំងស្រុង។ ប៉ុន្តែនៅតែសង្ឃឹមយ៉ាងមុតមាំថា អព្ភូតហេតុនឹងកើតឡើងក្នុងការប្រកួតជើងទីពីរ។
Van Dijk បានប្រាប់ CBS Sports ថា៖ "យើងបានចាញ់ក្នុងលទ្ធផល 5-2 ហើយវាស្ទើរតែមិនអាចទៅរួចទេក្នុងការយកឈ្នះមកវិញនៅក្នុងទីក្រុង Madrid។ ប៉ុន្តែបាល់ទាត់គឺពោរពេញទៅដោយអព្ភូតហេតុ។ ហើយសង្ឃឹមថាយើងអាចបង្កើតអព្ភូតហេតុមួយ”។
