តារាឆ្នើមរបស់ប្រេស៊ីល  Neymar  បានរងរបួសកជើង ក្នុងការប្រកួតបើកឆាកពូល G នៃពានរង្វាន់បាល់ទាត់ពិភពលោក  (FIFA World Cup 2022)  របស់ក្រុមជម្រើសជាតិប្រេស៊ីល ដែលបានយកឈ្នះទៅលើក្រុមជម្រើសជាតិស៊ែប៊ី ក្នុងទល្ធផល ២ ទល់នឹង ០ កាលពីថ្ងៃទី២៤ ខែ វិច្ឆិកា កន្លងទៅ ។



បន្ទាប់ពីខ្សែប្រយុទ្ធរបស់ក្លិប  Paris Saint-Germain រូបនេះបានរងរបួសកជើងក្នុងការប្រកួតបើកឆាករបស់ក្រុមរបស់គាត់ទល់នឹងស៊ែប៊ី  ធ្វើឲ្យរូបគាត់បានខកខានការប្រកួតពីរលើកចុងក្រោយរបស់ក្រុមជម្រើសជាតិប្រេស៊ីល ខណៈដែលកាលពីថ្ងៃសៅរ៍ម្សិលមិញនេះ  ឃើញមានវត្តមានរបស់  Neymar ចូលរួមហ្វឹកហាត់ជាមួយនឹងមិត្តរួមក្រុម។



នេះយើងអាចនិយាយបានថាខ្សែប្រយុទ្ធវ័យ ៣០ឆ្នាំរូបនេះ  អាចនឹងបង្ហញខ្លួនជាមួយក្រុមជម្រើសជាតិប្រេស៊ីល ក្នុងការប្រកួតទល់នឹងក្រុមជម្រើសជាតិក្រុមកូរ៉េខាងត្បូង ក្នុងវគ្គ ១៦ក្រុមចុងក្រោយ ដែលការប្រកួតនឹងចាប់ផ្តើមនៅថ្ងៃទី  ៦ ខែ ធ្នូ ឆ្នាំ ២០២២  វេលាម៉ោង ២ ទាលភ្លឺ ។



នេះគឺជាដំណឹងដ៏ល្អមួយសម្រាប់ក្រុមរបស់លោក  Tite បន្ទាប់ពីខែ្សប្រយុទ្ធ Gabriel Jesus និង Alex Telles ត្រូវបានដកខ្លួនចេញពីការប្រកួតដែលនៅសល់ ដោយសារតែបញ្ហារបួសជង្គង់។