នៅមុនការប្រកួតក្នុងពានរង្វាន់  FIFA  World Cup ឆ្នាំ 2022  កីឡាករ  Harry Maguire  ទម្រង់លេងរបស់គាត់ហាក់បីដូចជាមិនល្អទាល់តែសោះនៅក្លិប Manchester United  រហូតដល់លោក Erik ten Hag ដាក់គាត់ស្ថិតក្នុងកៅអីបម្រុង។ ខណៈដែលអ្នកគាំទ្របាល់ទាត់ជាច្រើនក៏បានអំពាវនាវឱ្យលក់គាត់ចេញពីក្រុមផងដែរ។ 



ប៉ុន្តែសម្រាប់ក្រុមជម្រើសជាតិអង់គ្លេសវិញ  កីឡាករវ័យ 29 ឆ្នាំរូបនេះមានទម្រង់លេងគួរឱ្យចាប់អារម្មណ៍ មុនពេលដែលក្រុមជម្រើសជាតិអង់គ្លេសត្រូវបានធ្លាក់ចេញពីព្រឹត្តិការណ៏  FIFA  World Cup 2022  ត្រឹមវគ្គ ៨ក្រុមចុងក្រោយ ។



នៅពេលសួរថាតើគាត់គិតចង់លក់ Harry Maguire ទេលោក  Ten Hag បានឆ្លើយតបថា៖  “ប្រសិនបើគាត់មិនចង់ស្ថិតក្នុងស្ថានភាពនេះទៀតទេ។ ប្រសិនបើវាមិនបានកើតឡើងទេ ខ្ញុំនឹងពេញចិត្តគាត់។ ខ្ញុំ​អាច​គាំទ្រ​គាត់​បាន​ពេញ​លេញ”។

គាត់បានបន្ថែមទៀតថា ៖  “ខ្ញុំ​​បាន​គេ​សួរ​ច្រើន​អំពី​រឿង​នេះ​។ វាច្បាស់ណាស់ថាគាត់ល្អគ្រប់គ្រាន់ក្នុងការលេងនៅកម្រិតខ្ពស់។ វាអាស្រ័យលើការតាំងចិត្តរបស់គាត់ក្នុងការបង្ហាញខ្លួននៅលើទីលាន។ ពីមុន​គាត់​មិន​បាន​ធ្វើ​បែប​នោះ​ទេ​គ្រប់​ការ​ប្រកួត”។